Muqdisho(SONNA):-Danjiraha Soomaaliya ee dalka Uganda Fardowsa Maxamed Qanyare ayaa xalay casho sharaf ku maamuustay ciyaartoyda xulka Qaranka ee da’doodu ka yar tahay 17 sano, kadib guushii ay kasoo hooyeen ciyaar dhex martay iyaga iyo Suudaan.
Danjire Fardowsa ayaa sheegtay in guushii ay soo hooyeen ay farxad weyn u horseeday dhammaan ummadda Soomaaliyeed meel kasta oo ay joogaan.
Sidoo kale waxa ay kula dardaarantay ciyaartoyda in ay dadaalkooda sii laba jibbaaraan si ay guulo waaweyn uga soo hooyaan kulamada u harsan.
