Doha-(SONNA)-Safaaradda Jamhuuriyadda Federaalka Soomaaliya ee Doha oo u dabaal dagaysa todobaadka Xorriyadda ayaa qabatay xaflad aad loo soo agaasimay oo ay kasoo qeybgaleen masโuuliyiin ka socda Dowladda Qatar , Diblomaasiyiinta dalalkooda ku matala Qatar iyo qeybaha Kala duwan ee Jaaliyadda Soomaaliyeed ee dalka Qatar.
Safiirka Jamhuuriyadda Federaalka Soomaaliya ee Qatar Dr. Maxamed Axmed Sheekh Cali oo khudbad ka jeediyey Xaflada ayaa ka hadley halgankii loo soo maray Xorriyadda, Siyaasada Xukuumadda Federaalka ee ku aadan horumarinta dalka, amniga, iyo la dagaalanka argagaxisada Al-shabab iyo Daacish iyo horumarinta dalka.
Sidoo kale, Danjiruhu waxa uu ku xusay qudbadiisa xiriirka soo jireenka ah oo Soomaaliya iyo Qatar oo 51 jirsaday sanadkan.
