Muqdisho,(SONNA):- Guddoomiye ku-xigeenka Hay’adda Maareynta Musiibooyinka Qaranka ee (SoDMA), Dr. Axmed Cabdi Aadan, ayaa maanta xafiiskiisa ku qaabilay Guddoomiye ku xigeenka Amniga iyo Siyaasadda gobolka Banaadir, Maxamed Axmed Diiriye (Yabooh), oo uu weheliyo Guddoomiye ku-xigeenka Howlaha Guud ee gobolka Banaadir.
Kulankan ayaa diiradda lagu saaray roobabkii xoogganaa ee xalay ka da’ay magaalada Muqdisho ee khasaaraha sababay iyo sidii gurmad deg deg ah loo gaarsiin lahaa dadka ay saameeyeen daadadkii ka dhashay roobkii xalay.
Sidoo kale masuuliyiintaan ayaa kormeeray waaxda saadaasha hay’adda iyadoo hay’addu ballan-qaaday in ay gurmad deg deg ah gaarsiin doonto dadka dhiibatadu ka soo gaartay roobkii xalay caasimadda ka da’ay,
Masuuliyiinta Hay’adda ayaa sidoo kale sheegay in ay soo saari doonaan warbixin ku saabsan khasaaraha guud ee roobabkii xalay ka dhashay.
