Muqdisho,(SONNA):- Wasiirka Wasaaradda Beeraha iyo Waraabka JFS, Mudane Maxamed Cabdi Xayir (Maareeye), ayaa kulan kula yeeshay xarunta dhexe ee Wasaaradda Shirkads bariiska ee danwadaag si loogu wareejiyo lacagihii loogu talagalay soo iibinta mishiinnada casriga ah ee bariiska.
Kulanka waxaa sidoo kale ka qeybgalay Wasiiru-Dawlaha Wasaaradda, Agaasimaha Guud, iyo qaar ka mid ah Agaasimayaasha waaxyaha.
Wasiirka ayaa shirkada ku booriyay in ay si hufan oo daahfuran u fuliso hawsha iyadoo la eegaayo baahida dhabta ah ee beeraleyda Soomaaliyeed. Dhanka kale Wasiirka waxa uu xusay in mishiinnadani muhiim u yihiin fududeynta shaqada beeraleyda iyo kor u qaadista wax soosaarka gudaha.
Kulankaan ayaa qayb ka ah dadaalada Wasaaradda ee lagu horumarinaayo adeegyada beeraha iyo xoojinta dhaqaalaha dalka.
