Muqdisho (SONNA)-Ciidanka Xoogga dalka ayaa Howlgal qorsheysan ku burburiyey saldhigyadii Khawaarijta Al-shabaab ay ku lahaayeen degaanada kala ah Baladul amiin, Ayburalay ,kushka ,dharabka, Fulaydheer iyo degaano kale oo ka tirsan gobolka Shabellaha hoose.
Ciidanka guutada 7aad qeybta 12-ka April ee xoogga dalka ayaa ku guuleystay in ay cagta mariyaan dhamaan saldhigyadii cadowgu ku dhibaateen jireen dadka shacabka ah.
Taliyaha Guutada 7aad Qeybta 12-ka April G/dhaxe Axmed Cabdi Cali,Axmed gaashaan oo howlgalka hoggaaminayey ayaa sheegay in ay sii wadi doonaan baacsiga Khawaarijta inta laga ciribtirayo.
