Dhuusamareeb-(SONNA)-Ururka 4-aad Guutada 16-aad kumaandooska Danab iyo ciidamada dib u xoreeynta ayaa maanta howlgallo lagu baacsanayo haraadiga khawaarijta ka sameeyay degaanno hoos taga tuulada budbud ee Gobolka Galgaduud.
Goobaha maanta laga sameeyay ee hawlgalka waxaa ka mid ah Xiintumaal iyo ceelal laga cabbo biyaha kuwaas oo ku yaal dhulka hawdka ah, waxanay gabi ahaanba isaga cararay malleeshiyaadkii halkaasi ku sugnaa.
Taliyaha ururka 4-aad ee Kumaandooska Danab laba xidigle,Cabdullaahi Mustafa Cali “Madaale-qaran” oo hoggaaminayay howlgalka, ayaa warbaahinta Qaranka u sheegay in ay ku raad joogaan firxadka horjoogayaal iyo malleeshiyaad katirsan aragagixisada, kuwaas oo ku dhuumaaleysanaya deegaanno ku dhow degmada Ceelbuur oo ay kaabiga ku hayaan guutooyin ka tirsan ciidanka xoogga dalka.
Cabsidii ugu xoogganayd ayaa soo wajahday horjoogayaal iyo malleeshiyaad katirsan khawaarijta, kuwaas oo lasheegay in ay ku sugan yihiin degmada Ceelbuur ee ka tirsan gobolka Galgaduud.
