Muqdisho(SONNA):-Ciidanka Xoogga Dalka ayaa saaka fashiliyay weerar fuleynimo ah oo ay Khawaarijtu ku dooneysay in ay ku qaadaan deegaanka Harboole ee degmada Afmadoow ee Gobolka Jubbada Hoose. Khawaarijta ayaa halkaas lagu gaarsiiyay khasaare lixaad leh welina geesiyaasha Qaranka ay sii baacsanaya firxadka howdka ku cararay.
Deegaanka Harboole oo ah meesha uu weerarka ka dhacay ayaa u dhexeeyo degmada Afmadow iyo deegaanka Janaay Cabdalle, waxaana marta waddo muhiim u ah oo isku xirta gobolka Jubbada Hoose iyo gobolka Jubbada Dhexe, halkaas oo maalmo kahor laga fara maroojiyay khawaarijta.
Ciidanka Xoogga Dalka iyo kuwa Jubbaland ayaa sidoo kale saakay fashiliyay weerar fuleynimo ah oo ay Khawaarijtu ku soo qaadeen deegaanka Buulo-Xaaji ee gobolka Jubada hoose, iyadoo halkaasi khawaarijta lagu gaarsiiyay khasaare lixaad leh.
La soco Faah-faahinta oo dhameystiran dhawaan Inshaa’Allah.
