Beledweyne(SONNA):-Ciidanka xoogga Dalka oo fulinaya balan qaadka madaxda dowladda Soomaaliya ee ku sugan magaalada Beledweyne ayaa maanta waxa ay bilaabeen in ay furaan waddooyinka dhexmara xaafadaha magaalada oo muddooyinkii dambe u xirnaa shaqaaqooyin ka dhacay magaalada.
Taliyaha Guutada 5-aad qeybta 27-aad ee CXD Col. Maxamuud Xasan Ibraahim (Baakaay) ayaa hoggaaminayay ciidamada howlgalka waddo furista iyo sugidda amniga ee ka bilowday magaalada Beledweyne.
