Marka-(SONNA)-Ciidankaย xoogga dalka soomaaliyeed gaar ahaan kumaan-dooska gorgor ayaa howlgalo ay ka sameeyeen tuulooyin hoostaga deegaanka Bariire ee gobolka Shabeelaha Hoose ku fashiliyay qaraxyo ay argagixisada aaseen iyo kuwa ay sameyntooda ku howlanaayeen.
Howlgalka oo ay fulinayeen ururka 7-aad ee guutada 18-aad ee ciidanka kumaandooska gorgor ayaa sido kale waxaa ay gacanta ku soo dhigeen saddex kamid ah argagixisada oo ku howlanaa sameynta qaraxyada oo dhuumaaleysanayay tuulooyinka Bariire hoostaga.
Taliyaha ururka 7-aad ee guutadda 18-aad kumaandooska gorgor Maxamed Shiikh, ayaa hoggaaminayay howlgalkan lagu beegsaday xubno ka tirsan kooxda argagixisadda oo maleegayey falal lidi ku ah amniga. Saraakiisha iyo ciidanka howlgalkan fuliyey ayaa waqti la qaatay bulshadda ku nool tuulooyinka howlgalka laga fuliyey.
Howlgalkan ayaa qeyb ka ah howlgalo qorsheysan oo dhan argagixisadda al-shabaab oo ay wadaan ciidanka xoogga dalka Soomaaliyeed eek u sugan gobolka Shabeelaha Hoose.
