Dhuusomareeb-(SONNA)-Ciidanka xoogga dalka Soomaaliyeed gaar ahaan guutada 26-aad ee Cali Binu Abii Daalib iyo dadka deegaanka ayaa howlgal sifayn ah ka sameeyay dhulka howdka ah ee u dhaxeeya deegaanka bood iyo bud bud ee gobolka Galgaduud.
Howlgalkan oo ah mid sifayna ayaa waxaa looga hortagayay malleeshiyaadka khawaarijta ee dhulka duurka ah isku uruursada si ay dhibaato ugu soo maleegaan shacabka Soomaaliyeed.
Taliyaha guutada 26-aad ee Cali Binu Abii Daalib G/dhexe Cabdiraxmaan Salaad Xujaale ayaa Warbaahinta Qaranka u sheegay in ay kala carareen malleeshiyaadkii dhulka howdka ah isku uruursanayay wuxuuna xusay in ay weli wadaan baacsiga firxadkii malleeshiyaadka khawaarijta.
Ciidanka xoogga dalka Soomaaliyeed ayaa guud ahaan dalka ka wada howlgallo lagu ciribtirayo argagexisada nolosha u diiddan shacabka.
