Jowhar-(SONNA)-Ciidanka Kumaandooska Danab ee XDS ayaa howlgal qorshaysan ka sameeyey degaannada kala ah Xawaadleey, Shanloow Jameco, Yaaqle, Dhagaxoow oo dhamantood kawada tirsan Gobolka Shabeellada dhexe.
Taliyaha guutada 16-aad ee Kumandooska Danab Gashanle dhexe, Axmed Cabdillaahi Nuur Beeryare, ayaa warbaahinta Qaranka u sheegay in ay howlgalkaasi ku dileen ugu yaraan 15 isugu jira horjoogayaal iyo malleeshiyaad ka tirsanaa argagixisada, laguna burburiyay goobo u ahaa maxakamad beenaadyo iyo meelo ay ku qaadan jireen waxa ay ugu yeeraan Zakawadka, iyagoo sidoo kale halkaasi dhac ugu geysan jiray gaadiidka iyo dadka.
Shacabka ku dhaqan goobaha ay haatan gacta mariyeen Ciidanka xoogga dalka ayaa sheegay inay dhibaato weyn ku qabeen dhaca iyo handadaadda ay kala kulmi jireen kooxda nabad-diidka ah ee Al-shabaab.
