Baydhabo(SONNA):-Ciidamada Xoogga Dalka iyo Daraawiishta Koonfur Galbeed ayaa saakay jab xooggan gaarsiiyay khawaarijta, kadib weerar khawaarijta ku soo qaadeen fariisimo khawaarijtu ku lahaayeen aagga deegaanka Daynuunaay ee gobolka Bay.
Saraakiisha hoggaamineysa howlgalkaas ayaa Warbaahinta Qaranka u sheegay inay dileen 15 Khawaarij ah oo horjoogayaal iyo maleeshiyaad isugu jira, isla markaana ay sii haacsanayaan firxadka Khawaarijta.
Meydadka Khawaarijta lagu laayey aagga deegaanka Daynuunaay ayaa loo soo bandhigay magaalada Baydhabo, walina waxaa socda tirakoobka guud ee khawaarijta lagu gaarsiiyay halkaas, saraakiisha ayaa noo sheegay in meydad iyo dhaawacyo kale ay horay u qaateen.
