Muqdisho.(SONNA):- Ciidanka Hay’adda Sirdoonka iyo Nabad Sugida Qaranka ayaa howlgal qorshaysan oo ay ka fuliyeen degmada Dharkeynlay ee gobolka Banaadir waxay ku soo qabteen haweenay gurigeeda uu ku keydsanaa hub iyo walxaha qarxa.
Saraakiil ka tirsan ciidanka ammaanka ayaa warbaahinta Qaranka u sheegay in haatan uu socdo baaritaan lagu haayo haweeneydan iyo hubka lagu soo qabtay, isla markaana baaritaan ka dib loo gudbin doono Maxkamad.
Howlgalkaan guuleystay ayaa ku soo aadaya xilli shacabka Muqdisho ay bilaabeen in ay iska soo dhex qabtaan garan-waaga ku dhex dhuumaaleysanaya, waxayna si dhab ah u qaateen baaqii madaxweynaha JFS ee ahaa in ay ilgaar ah isaga eegaan Garan-waaga beegsanaya dadka indhaha u ah Bulshada.
