Muqdisho (SONNA)-Ciidamada gaarka utababaran ee Goodir oo qeyb ka ah ciidanka Booliska Soomaaliyeed ayaa ogaaday xogta Guri lagu kariyo laguna iibiyo Calaqa kaasi oo ku yaala Degmada Dharkenley ee gobolka Banaadir.
markii weerarka ay ku qaadeen Gurigaasi Ciidamada Booliska wey iska caabiyeen Maleeshiyaadka hubeysan ee ku jiray Guriga dhexdiisa inkastoo laga adkaaday Gacantana lagu soo dhigay,
Howlgal qorsheysan oo ay qaadeen Ciidanka Booliska Soomaaliyeed ayaa lagu soo qabtay ilaa 7-ruux oo ka shaqeynayay iibinta iyo Sameynta Qamriga iyadoo sidoo kale Gurigaasi qeyb ka mid ah lagu beeray geedka xashiishka loo yaqaano oo ka mid ah Maandooriyaha.
“waxay Guriga dhexdiisa ka sameyateen Difaac Ciidan si ay isaga difaacaan hadii Boolisku ogaadaan balse ugu dambeyn ciidanka Booliska Soomaaliyeed ayaa gacanta ku dhigay.
Afhayeenka Ciidanka Booliska Soomaaliya Taliyaha la dagaalanka muqaadaraadka ee Laanta dembi baarista ee CID-da iyo Shaqsiyaadkale ayaa kor meer ku tagay goobta lagu soo qabtay raga iibinayay wax yaabaha maanka dooriya.
Afhayeenka Ciidanka Booliska Soomaaliyeed Gaashaanle Sadiiq Aadan Cali (Doodishe) ayaa sharaxay sida ay ku ogaadeen in waxyabaha maanka dooriya lagu iibiyo gurigaan hase ahaate waxaa kaloo shacabka ugu baaqay inay la shaqeeyaan ciidamama si loo xajiiyo amniga iyo in laga hortaggo wax yaabaha lidiga ku ah amaanka.
Guddoomiyaha Degmada Dharkenley ee Gobolka Banaadir Abuukar Maxamed Cadoow ayaa Booliska uga Mahad celiyay dadaalka looga hortaggayo muqaadaraadka,
“Waxaan Ciidamada Booliska uga mahadcelineynaa sida ay ula dagaalamayaan waxyaabaha muqaadaraad ee dhibaatada ku ah bulshada iyo doorka ay ka qaadanayaan sugida amaanka ayuu yiri Guddoomiye Abuukar Maxamed Cadoow.
