Muqdisho (SONNA) Ciidanka Booliska deegaanka Ceelasha Biyaha ayaa gacanta ku soo dhigay laba nin oo la sheegay inay yihiin tuugo dhac u geysatay dad shacab ah oo goobo ganacsi ku lahaa deegaankaasi.
Saldhigga Booliiska deegaanka Ceelasha Biyaha ayaa lagu soo bandhigay raggaan oo ku hubeysan qoriga AK47, isla markaasna ay ku dhibaateyn jireen deegaankaasi.
Saraakiisha Ciidanka ayaa sheegay in ragaan ka soo qabteen deegaanka Carbiska, iyagoo baxsad ah, waxayna hadda ku jiraan gacanta ciidanka amiga.
Ciidamada Amniga qeybahooda kala duwan ayaa maalmihii la soo dhaafay xoojiyay howlgallada ka dhanka ah kooxaha burcada dhaca u geysta bulshada.
