Muqdisho (SONNA)-Madaxweyne Ku-xigeenka Dowlad Goboleedka Puntland Mudane Axmed Cilmi Cismaan Karaash, ayaa tababar u soo xiray cutubyo ka tirsan ciidamada Daraawiishta Puntland oo muddo 6 bilood ah tababar uga socday xerada tababarada ciidamada Daraawiishta Puntland ee Xorgoble.
Mudane Axmed Cilmi Cismaan Karaash ayaa bogaadiyey dhoolatus ay ciidamada la tababaray oo loogu magac daray (Galayr) soo bandhigeen, wuxuuna sheegay in tayeynta Ciidamada iyo inay helaan mushaharaadkooda si joogto ah ay tahay waxyaabihii ay ku guuleysatay Dawlad goboleedka Puntland sanadka hadda dhammaaday.
Ugu danbeyn Madaxweyne ku-xigeenka Puntland mudane Axmed Karaash ayaa kula dardaarmay ciidamada la tababaray in ay noqdaan kuwo sida ay tahay u guta waajibaadka saaran.
