Marko-(SONNA)-Ciidamada Qaranka oo isugu jira Boliiska gaarka ah ee Haramcad, Ciidanka Xooga Dalka iyo Ciidanka Nabad Sugida iyo Sirdoonka Qaranka ayaa si wadajira howlgal qorshaysan ku galay deegaano dhowr ah oo ku yaalla dhulka howdka ah ee u dhaxeeya deegaanka Jilib Marko iyo Buulo Nagey.
Ciidamada ayaa burburiyay fariisimihii Khawaarijta ee deegaanada ku yaalla dhulka howdka ah ee kala ah Macallin Yuusuf, Nafaqow iyo deegaano kale.
Dowladda Soomaaliya ayaa xoojisay dagaalka ka dhanka ah Khawaarijta iyadoo maalmihii ugu danbeeyay ciidamada iyo shacabka oo is kaashanaya ay la wareegeen in ka badan 20-deegaan oo Argagixisadu ay horay u joogeen.
