Dhuusamareeb-(SONNA)-Ciidamada Booliska, Nabad Sugidda iyo Ciidanka Ilaalada Madaxtooyada Galmudug ayaa howlagallo qorsheysan oo ka dhan ah Khawaarijta ka sameeyay deegaanno ku teegsan Sinadhaqo, Labi-dulle iyo Dhabanna dhulkuheys ee gobolka Galgaduud.
Howlgalladan oo socday maalmihii lasoo dhaafay ayaa lagu baacsanayay Khawaarijta ku dhuumaaleysanaysa dhulka howdka ah.
Guddoomiyaha Degmada Dhuusamareeb, Abdirahmaan Cali Maxamed (Geeda Qorow), oo ciidamda ku wehlinayay howlgalka ayaa shacabka ugu baaqay in ay la shaqeeyaan laamaha ammaanka si loo sugo nabadda iyo horumarka deegaanka.
