Gaalkacyo-(SONNA)-Ciidamada ammaanka Gobolka Mudug ayaa Maanta howl-gallo lagu fiiqayo bacaha madoow ee lagu dhejiyo Baabuurta ka billaabay qeybo ka mid ah Xaafadaha Magaalada Gaalkacyo.
Taliyaha qeybta Booliiska Koofurta Gobalka mudug G/dhaxe, Qaasim Shirdoon Cali ayaa sheegay in ay howshani qeyb ka tahay olalaha xoojinta amniga iyo la dagaallanka Argagixisada, maaddaama aan loo jeedin waxa uu sido Gaariga muraayadaha loogu dhajiyo Bacaha madoow, taasna ay fududeyn karto in loo adeegsado dhibaateeynta Shacabka.
G/dhexe, Qaasim Shirdoon ayaa sidoo kale sheegay in Shacabka aan loo oggaleeyn doonin in Hub ku dhex qaataan gudaha Magaalada Gaalkacyo.
Gudoomiyaha Koofurta Gobalka Mudug, C/raxmaan Cali Diiriya ayaa isna bogaadiyay howl-gallada ay Ciidamada amnigu ka billaabeen Galkacyo, isagoo sheegay in Askari aan shaqo ku jirin ay mabnuuc tahay inuu Hub ku dhax qaato Magaalada iyo guud ahaanba Gobolka Mudug.
