Muqdisho (SONNA)-Tartanka kubbadda Gacanta ee Degmooyinka iyo Deegaannada Gobolka Banaadir 2021 ayaa si habsami leh uga socda garoonka Wiish ee degmada C/casiis, halkaasi oo ay galabtii u soo daawasho tegaan dadweyne aad u fara badan oo ka kala yimid degmooyinka Gobolka Banaadir, xubno ka tirsan xiriirka kubadda gacanta iyo mas’uuliyiin kale.
Cayaartooyda Degmada Wadajir ayaa 23-15 uga adkaatay dhigooda Degmada Deyniile oo ay garoonka Wiish ku yeesheen kulanki 14-aad ee tartanka.
Laacibki ugu wanaagsanaa kulankii galabta ayaa waxaa loo aqoonsaday ciyaaryahanak No-7 ee degmad Deyniile Axmed Cali Sheekh Maxamed, inkasta oo kooxdiisa laga badiyay.
Dhanka kale Xidigaha Xulka degmada Kaaraan ayaa 29-13 uga badiyay dhigooda degmada Yaaqshiid oo ay ku kulmeen kulanki 15-aad ee tartanka.
Laacibka ugu bandhigga wanaagsanaa kulanka ayaa waxaa loo aqoonsaday ciyaaryahanka No-9 ee degmada Kaaraan Ismaaciil Cali Sahal.
