Muqdisho:(SONNA)-Bulshada magaalada Xudur ayaa muujinaya taxadar badan iyo qaadashada talooyinka Wasaaradda Caafimaadka ee waxyaabaha looga hortagayo cudurka faariska koronaha.
Tan iyo markii Wasaaradda caafimaadka ay xaqiijisey in magaalada Xudur laga helay bukaano qaba cudurka COVID-19 bulshada waxay bilaabeen taxadar iyo feejignaan saaโid ah, dadka ka soo qeybgala kulamada intooda badan waxaa u xiran afka iyo sanka waxa jira fariimo bulshada dhexdooda isgaarsiyaan oo looga hortagayo faafidda cudurka COVID-19.
Qaar ka mid ah dhallinyarada Degmada Xudur oo aan ku booqday guryahooda oo ka hadlay sida ay ufeejigan yihiin iyo fariimaha ay bulshada gaarsiinayaan ayaa tilmamaay in ay wacyi gelin u sameeyaan bulshada si looga hortago cudurka Coronavirus.
Tallaabadan ay qaadeen dhallinyarada Degmada Xudur ayaa ah mid ay si weyn ugu riyaaqeen shacabka magaalada, kuwaasi oo hela wacyi gelin joogto ah, ayna diyaar u yihiin inay qaataan tallooyinka ka imaanaya Wasaaradaha Caafimaadka ee Federaalka iyo tan Koonfur Galbeed ee ku aadan ka hortagga faafidda cudurka COVID-19.
