Muqdisho-(SONNA)-Shacabka Muqdisho ayaa xalay isugu soo baxay Isgooyska Taleex ee degmada Hodan, kaas oo lagu garab istaagayo dedaallada ay dowladda kula dagaallamayso Khawaarijta.
Dadka halkaasi isugu soo baxay oo ay ka dhex muuqdeen kuwo dhibbanayaal u ah khawaarijta arxanka daran iyo dhallinyarada caanka aka ah baraha bulshada ayaa dareeb qiiro leh ku cabbiray sida ay diyaarka ugu yihiin la dagaallanka argagixisada.
Mid ka mid ah dhallinyarada dareenkooda muujiyay ee iskugu soo baxay isgoyska Taleex ee magaalada Muqdisho ayaa sheegay in uu aabbihiis ku waayay qaraxii Zoope, wuxuuna sheegay inuu diyaar u yahay inuu ka qayb qaato dagaalka lagula jiro khawaarijta.
“Abbaheey ayaa lagu dilay qaraxii Zoobe, marka diyaar baan u ahay difaaca dalka iyo dagaalka Khawaarijta,” mid ka mid ah dhallinyarada dareenkooda muujiyay ee iskugu soo baxay isgoyska Taleex ee magaalada Muqdisho.
Fanaanada Xaawo daggan “Shacabka wuu baraarugay Khawaarijtana waa laga xoreynaa dalka”.
Bilaal Bulshaawi “Dhalinyarada TikTok Istimaasho wey u Diyaarsan yihiin dagaalka Khawaarijta”.
Bannaanbaxa xalay ka dhacay muqdisho ayaa waxaa lagu soo bandhigay heeso iyo suugaan kale oo lagu dhiirri gelinayo in ay shacabku u midoobaan la dagaallanka khawaarijta.
