Muqdisho(SONNA):-Kooxda khawaarijta arxanka daran ee Al-shabaab oo mudda dheer dhibaato ku heysay shacabka soomaaliyeed ayaa hadda wajaheysa xaalad bur-bur iyo kala carar ah,kadib markii ay jab xooggan ka soo gaaratay dagaalka xaq u dirirka ah ee geesiyaasha xoogga dalka iyo kuwa degaanka oo khawaarijta ka saaray degaanno badan.
Intaa kadib waxa kala shaki iyo cabsi weyn ay soo kala dhaxgashay horjoogayaasha Maleeshiyada khawaarijta oo qarkood la go’doomiyay,halka kuwa kalan ay dileen waxan sababta arintaa ay tahay cabsida ay ka qabaan ciidanka xoogga dalka ,kuwa degaanka iyo saaxiibada caalmaka oo harsi iyo hoyaad u diiday khawaarijta gabalkoodu dhacay,khilaafkaa ayaa hada u sii gudbay horjoogayaasha ajaanibta ah ee ku jira khawaarijta kuwaa qarka u saaran in ay dagaalamaan.
Warbaahinta Qaranka ayaa xaqiijisay in horjoogayaasha ajaanibta ee kooxda khawaarijta ay u kala qeyb sameen laba garab,horjoogihii hoggaamin jiray kooxda ajaanibta oo lagu magacaabo Salmaan (Muhaajir) oo ka soo jeeda Kenya ayaa hada gadooday oo gaar ula baxay tira maleeshiyaad ajaanib ah iyo kuwa Soomaali ah oo fikir ahaan tageersan dhammaantoodana katirsan khawaarijta.
Salmaan Muhaajir oo loo saariyay guul darada ah in ajaanibta ay ka gaabisayย in tagaan furumaha dagaalka oo ay ka qeb galaan dagaalka Maleeshiyada khawaarijta ee soomalida ah oo ay qaldeen,waxana intaa kadib laga joojiyay wax alaala wixii uu ka heli jiray khawaarijta oo ay kamid tahy dhaqaalaha sida xoogga ah looga qaado ganacsatada Soomaaliyeed iyo in uu hoggaamiyo maleeshiyad ajaanibta ah waxan laga dhigay howlgab oo waa la go’doomiyay kamana bixi karo degmada jilib ee gobolka jubbad dhexe oo uu hadda ku suganyahay.
Ma dhaafi karo Salmaan Muhaajir oo dalkiisa Kenya dambiya ka soo galay islamarkaana dowaladda Kenya hada ay baadi goob ugu jirto degamada Jilib iyo degaanada ku xeeran,badalkii waxaa horjoogayaaasha ajaanibta รจe khawaarijta katirsan hada loo dhiibay Jacfar (Sudaani)oo isna ka soo jeeda dalka Sudaan,waxana hada qarka u saaran in jubbooyinka ay ku dagaalamaan labada garab ee ajaanibta khawaarijta Alshabaab katirsan oo ay kala hoggaaminayaan Salmaan Muhaajirย iyo Jacafar Sudaani oo ka soo jeeda dalka Sudaan.
Tirada ajaanibta ah ee ku sugan dalka oo u badan Afrikaan kasoo kala jeedo kenya iyo Tanzaniaย Ayaa gaaraya ilaa seddex boqol(300),warka qaar ayaa sheegay in Salmaan Muhaari uu billaabay in uu ugaarsado ajaanibta ka agdhaw Jacfar Sudaani,waxana tan muujineysa bur-burka ku yimid kooxdaย khawaarijta oo mudda dheer dhibaato kala duwan ku heysay guud ahaan shacabka Soomaaliyeed.
Waxaa guud ahaanba maleeshiyada khawaarijta Al-shabaab bilihii u danbeysay ay ahay mid si xooggan u soo ifbaxayay khilaaf soo kala dhaxgalay horjoogayaashooda oo laba garab u kala jabay,iyadoona dhinac walba kan kale uu u saarinayo jabka kooxda ka soo gaaray degaallada,tani waa wax cusub in horjoogayaasha ajaanibta ah ee Al-shabaab katirsan is khilafaan kuwaa oo u badan Kenya iyo Tanzania walow ay jiraan kuwa kale oo dalka ku sugan kuwaa oo ka bar-bar dagaalama kooxda Daacish.
Arintaani ayaa hada waxa muujineysaa
mid soo da’dajineysaa bur-burka khawaarijtaย oo mudda dheerย dhibaata ku heysay shacabka Soomaaliyeed.
Ciidanka dowladda iyo kuwa degaanka ayaa tan iyo markii ay billaabeen howlgallada ka dhanka ah khawaarijta waxa ay gacanta ku dhigeen degaanno,iyo degmooyin katirsan gobolada dalka oo mudda dheer khawaarijtuย dhibaato ku heysay shacabka Soomaaliyeed,kuwaa oo hada dareemayo Necaaw xornimo.
