Muqdisho (SONNA):- Munaasabad lagu soo dhaweynayay Agaasimaha Cusub ee Isbitaalka Tababarka iyo Horumarinta Erdogan Mudane Maxamed Xuseen Ashraf ayaa lagu qabtay magaalada Muqdisho.
Kulanka ayaa waxaa goob joog ka ahaa Wasiirka Shaqada iyo Arrimaha Bulshada Xukuumadda Federaalka Soomaaliya Dr. Maxamed Cilmi Ibraahim, Xubno ka socday Baarlamaanka Federaalka, masโuuliyiin ka tirsan Wasaaradda Caafimaadka XFS iyo marti sharaf kale.
Dr. Maxamed Xuseen Ashraf oo soo dhoweeyay garab-istaaga loo muujiyay ayaa mar uu ka hadlayay munaasabada waxa uu yiri:
โWaxaan ilaalin doonaa nidaamka iyo kala dambeynta, isla markaana ka shaqeyn doonaa, shuruucda Isbitaalka iyo sidii loo hormarin lahaa, lana baahin lahaa adeegyada uu bixiyo.”
Masโuuliyiintii ka soo qeybgashay munaasabadda ayaa dhankooda soo dhaweeyay Dr. Maxamed Ashraf, iyagoo sidoo kale tilmaamay doorka Isbitaalka Erdogan uu ku leeyahay helida daryeel caafimaad oo tayo leh.
