Muqdisho,(SONNA):- Wasiirka Deegaanka iyo Isbeddelka Cimilada XFS Mudane Bashiir Maxamed Jaamac ayaa ka qeybgalay shirka heerka sare ee Wasiirrada Maaliyadda Cimilada ee COP30, isaga oo adkeeyay muhiimadda maalgelin cimilo oo la kordhiyo, la saadaalin karo, lagana heli karo si waafaqsan Qodobka 9-aad ee Heshiiska Paris, COP30.
Wasiirka wuxuu hoosta ka xariiqay baaxadda saamaynta isbeddelka cimilada ee Soomaaliya, oo ay ku jiraan barakaca ballaaran iyo cadaadiska saaran nidaamyada biyaha iyo cuntada, Wuxuu xusay in la-qabsigu (adaptation) uu yahay baahi degdeg ah oo maalinle ah oo ay la tacaalayaan bulshooyinka nugul.
Wasiirka ayaa hoosta ka xarriiqay taageerada Soomaaliya ee NCQG ku saleysan baahiyaha dalalka, iyadoo la kordhinayo saamiga la-qabsiga, la fududeynayo helitaanka maaliyadda dalalka aadka u saboolka ah (LDCs), lana xoojinayo hirgelinta BakuโBelรฉm Roadmap.
Ugu dambeyn, wasiir Bashiir wuxuu xaqiijiyay horumarka ay Soomaaliya ka sameysay NAP, NDC-ga la cusboonaysiiyay, dib-u-habeynta maaliyadda cimilada iyo yoolka dhimista qiiqa ee 2035, isaga oo ugu baaqay beesha caalamka in ay si waqti ku habboon u gutaan ballanqaadyada Qodobka 9-aad si loo taageero dalalka nugul.
