Aljeris (SONNA): Danjiraha Dowladda Soomaaliya u fadhiya dalka Aljeeriya Yusuf Axmed Xasan (Yusuf Jeego) ayaa maanta kulan muhiim ah la qaatay Wasiirka Wasaaradda Tacliinta Sare ee Dowladda Aljeeriya mudane Prof. Kamel Badaari.
Labada mas’uul ayaa ka wada hadlay xoojinta xiriirka iyo iskaashiga labada dowladood ee Soomaaliya iyo Aljeeriya. Sidoo kale, waxay ka wada hadleen sidii garab buuxa looga siin lahaa dowladda Soomaaliya, gaar ahaan horumarinta arrimaha waxbarashada, iyo sidii deeqo waxbarasho ay uga heli lahaayeen ardayda Soomaaliyeed dalka Aljeeriya.
Kulanka Danjiraha iyo Wasiirka Tacliinta Sare ayaa ku soo dhammaaday si wanaagsan, waxaana labada mas’uul isla afgarteen in kor loo qaado iskaashiga waxbarasho ee labada dowladood.
