Muqdisho(SONNA):-Taliyaha Ciidanka Booliiska Soomaaliyeed Sarreeye Guuto Asad Cismaan Cabdullaahi ayaa shir guddoomiyay kulanka hoggaanada, Taliyaasha qeybaha iyo fadhiyada madaxa banaan oo looga hadlay u diyaar garowga maalmaha xoriyadda iyo doorka uga aadan laamaha ammaanka .
Kulanka ayaa warbixino looga dhageystay saraakiisha amniga, waxaana uu Taliyuhu Saraakiisha iyo Ciidamadaba ku ammaanay dedaalka ay ugu jiraan sugida amniga si gaar ah waxaa uu mahadcelin u diray Ciidamadii Booliiska ee loo xilsaaray sugidda amniga xarumihii ay Imtixaanka shahaadiga ah ee qaranka ardayda ku galeen ee guud ahaan dalka.
