Baladweyne-(SONNA)-Ciidamada Qaranka iyo kuwa deegaanka ee gobolka Hiiraan ayaa mar kale saakay weerar culus ku qaaday dhulka howldka ah ee ay khawaarijtu kaga dhuumaalaysanayaan xadka gobollada Hiiraan iyo Shabeellada dhexe.
Ciidamada weerarka qaaday ayaa ka baxay deegaanka Ceel-hareeri ee gobolka Hiiraan, waxaana cadowga Khawaarijta ah loogu galay goob ay isku uruursanayeen, halkaas oo hadda uu ka socdo dagaal culus, sida ay warbaahinta Qaranka u xaqiijiyeen mas’uuliyiinta gobolka Hiiraan.
Maalmihii lasoo dhaafay howlgallo is dabajoog ah oo ciidamada deegaanka iyo kuwa Qaranka ay ku baacsanayeen cadowga Khawaarijta ah ayaa lagu dilay dhagarqabayaal badan, iyadoo argagixisada laga xoreeyay deegaanno muhiim ah.
Howlgalka oo weli socda wixii ka soo kordha kala soco Warbaahinta Qaranka.
