Muqdisho, 17, Abriil, 2025: Howlkani oo si wadajir ah u fuliyeen Ciidanka Xoogga Dalka Soomaaliya iyo Ciidamada Daraawiishta Dowlad goboleedka Koofur Galbeed ayaa laga fuliyay deegaanka Baay Burjeed oo qiyaastii 15-KM jirta magaalada Baydhabo ee xarunta ku meel gaarka ah Koofur Galbeed.
Howlgalka waxaa lagu burburiyay koox ka tirsan Khawaarijta Alshabaab oo qorsheynayay weerar ay ku dhibaateeyaan Shacabka, Ciidanka oo ku howlgalay macluumaad dhameystiran ayaa wajahay cadowga, waxa la xaqiijiyay in lagu dilay howlgalka in ka badan 35 xubnood oo uu ku jiro horjooge ajaaniib ah oo watay maleeshiyada la jabiyay, sidookale waxaa lagu dhaawacay in badan 60 xubnood kale.
Ciidanka ayaa howlgalka kadib soo aruuriyay meydadka ilaa 18 xubnood oo khawaarij ah oo ay ku jiraan horjoogayaal, wali waxaa ay ciidanku wadaan uruurinta meydadka khawaarijta, qaarkoodna waxaa la baxsaday haraadigigii khawaarijta la beegsaday.
Howlgalka oo si guul ah ay u fuliyeen geesiyaasha Qaranka ee is kaashanaya waxaa saakay lagu gaarsiiyay jab culus waxaana loogu dhigay cashir aanay ka soo Kabsan karin Khawaarijta waxaana uu muujinaya sida Ciidanka Xoogga iyo Ciidanka Daraawiishta oo kaashanaya dadweynaha Koofur galbeed ay ugu go’an tahay dagaalka lagu ciribtirayo khawaarijta.
-DHAMMAAD-
