Qahira (SONNA): Wafdi ka socday Dowladda Federaalka Soomaaliya oo uu Hoggaaminayo Xoghayaha Joogtada ah ee Xafiiska Ra’iisul Wasaaraha, Mudane Kamaal Daahir Guutaale oo ku sugan dalka Masar, ayaa kulan muhiim ah la yeeshay Xoghayaha Guud ee Golaha Wasiirrada Dowladda Masar General Osama Sayyid.
Kulanka ayaa looga hadlay xoojinta xiriirka labada dowladdood ee walaalaha ah iyo iskaashiga dhinacyada horumarinta iyo casiriyeynta hey’addaha dowladda iyo tababbarrada shaqaalaha dowladda.
Labada dhinac ayaa isku raacay muhiimadda ay leedahay wada shaqeynta iyo is-dhaafsiga waayo-aragnimada, si loo gaaro yoolalka horumarineed ee labada dal.
Weftiga Soomaaliyeed, ayaa uga mahadceliyay Dowladda Masar soo dhowayta diirran iyo martigalin qiimo-badan ee ay u sameeyeen, waxaa ayna xuseen in ay diyaar u yihiin iskaashi iyo wada-shaqayn miro-dhal ah.
