Muqdisho.(SONNA):- Guddoomiyaha Maxkamadda Sare ee dalka, Mudane Baashe Yuusuf Axmed, oo uu weheliyo Xeer Ilaaliyaha Guud ee Qaranka Dr Suleymaan Maxamed Maxamuud ayaa guddoomiyay shirka sanadlaha ee Guddiga Sare ee Machadka Tababarka Garsoorka Soomaaliya.
Shirka oo ah midkii Afaraad ayaa waxaa waxaa sido kale ka qeybgalay Guddoomiyeyaasha Maxkamadaha sare ee dowlad goboleedyada iyo Masuuliyiin kale.
Agaasimaha Machadka ayaa soo bandhigay guulaha sanadkii la soo dhaafay uu gaaray Machadka Tababarka Garsoorka, oo ay ka mid yihiin diyaarinta istiraatijiyadda garsoorka, tababarro xirfadeed, iyo xiriirrada caalamiga ah.
Guddoomiyaha Maxkamadda sare ee dalka Dr. Baashe Yuusuf Axmed ayaa ku ammaanay machadka dadaalkiisa, isagoo ku boorriyey inay sii xoojiyaan tayeynta garsoorka dalka.
