Muqdisho.(SONNA):- Deegaannada waqooyi ee magaalada Baladweyne ee xarunta gobolka Hiiraan waxaa ku yaalo dhul beereedka ugu ballaaran oo ku haboon tacabka dalagyada kala duwan oo lagu beero beeraha gobolka Hiiraan, ka dib, ka dib fatahaaddii wabiga Shabeelle oo saameysay qaar ka mid ah saameysay saameyntii fatahaadda Wabiga Shabeelle beeraha deegaannadaas.
Waxaa xilligani ka socda beeraha deegaannada dhinaca waqooyi ee magaalada Baladweyne shaqooyin badan oo ka mid ah Cagafta lagu falo beeraha abuurka miraha qudaarta noocyadooda kala duwan, maaddama fatahaaddii uu wabiga Shabeelle sameeyay cagta mariyay dalagyadii ay beerteen dadka deegaanka, balse, dib ayay u bilaabeen dadka howlaha tacabka beeraha.
Qaar ka mid ah beeraleyda deegaannada Qooqane iyo Bacaad oo ka tirsan deegaannada waqooyi ee magaalada Baladweyne ee gobolka Hiiraan oo la hadlay warbaahinta qaranka ayaa ka waramay howlaha tacabka beeraha oo ay ku howlan yihiin, iyagoo sheegay in aysan ka quusan doonin in ay wax beertaan.
‘’ Sida caadiga ah marka ay biya-baxadu laabatay waxaan ku guda jirnaa tacabka beeraha, tacabku wuu xiriirsan yahay, raggu waxay diyaar u yihiin in ay shaqeystaan,’’ ayuu yiri mid ka mid ah dadka beeraleyda oo la hadlay warbaahinta.
Dadkan beeraleyda ah ayaa ka hadlay noocyada dalag ay xilligan ku mashquul yihiin in ay beertaan, waxayna sheegeen in ay hadda ku foogan yihiin tacabka miraha ‘’Batiiqa iyo Bocorka’’, Qaraha/Xabxabka, iyo dalagga loo yaqaano Masagada, kuwaas oo dhammaantood beeraleyda ay si siman ugu mashquulsan yihiin beeristooda.
‘’ Biyo-baxadu aad ayay wallaahi noo saameysay, beeraha wey naga gashay, aniga hadda kula hadlaayo lix tacab oo Yaanyo ah, Sisin, Masaggo iyo Bocor waxay iga gelin malahan, iyadoo gacan saar ah, Yaanyada hal gacan oo dalac ah unbaa ka guray inta kale waa ay iga saameysay, hadda waxaan abuureynaa Batiiq,’’ ayuu yiri Duqo Mukhtaar Daahir oo ka mid ah Beeraleyda gobolka Hiiraan.
Beeralayd deegaannadan Qooqane iyo Bacaad ayaa markii hore waxaa sameeyay fatahaada oo wabiga shabelle ka geystay waqooyga magalada Baladweyne taasi oo khasaaro u geystay dalagyadii aay hore u tacbadeen.
