Afgooye, (SONNA): Howlgal ay fuliyeen Ciidanka Xoogga Dalka, gaar ahaan Guutada 7-aad, ayaa lagu dilay in ka badan 24 dhagarqabe oo ka tirsan Khawaarijta, kuwaas oo ku sugnaa deegaano ka tirsan gobolka Shabeellaha Hoose.
Howlgalkan ayaa ka dhacay deegaanada Kaliga, Libaaxle, Kaxaroow, Doonka, iyo Bululoow, iyadoo ciidamada ay si gaadmo ah uga dul dhaceen dhagarqabeyaal qorsheynayay inay sameeyaan falal argagixisanimo.
Taliyaha Guutada 7-aad, Gaashaanle dhexe Axmed Cabdi Cali โAxmed Gaashaanโ, oo howlgalka hoggaaminayay, ayaa sheegay in in ka badan 24 dhagarqabe lagu dilay howlgalkaan, iyadoo sidoo kale la dhaawacay tiro kabadan 30 dhagarqabe.
Xogta la helay ayaa sidoo kale tilmaamaysa in meydadkii dhagarqabeyaasha ay u kala qaadeen deegaanada Buulo Madiino iyo Cumar Beyre si halkaasi loogu aaso. Ciidanka Guutada 7-aad ayaa ku raad jooga firxadka dhagarqabeyaashii galabta laga dul dhacay, iyadoo howlgalka ay qeyb ka ahaayeen taliyeyaasha ururada 64-aad iyo 54-aad.
