Muqdisho SONNA:-Guddoomiyaha Maxkamadda Sare ee Jamhuuriyadda Federaalka Soomaaliya, Mudane Baashe Yuusuf Axmed, ayaa la kulmay ardayda jaamacadaha Muqdisho gaar ahaa kuliyadda sharciga kaasi oo ahaa dood-furan oo si toos ah ay ardayda jaamacduhu u weydiinayeen su’aalo la xiriira Hannaanka iyo xeerarka Garsoorka dalka.
Guddoomiyaha ayaa ugu horayn sharaxaad kooban ardayda ka siiyey marxaladihii kala duwanaa ee uu soo maray Garsoorka dalku, isagoo sheegay in nidaamka Federaalka ee aynu qaadanay qeexayo in Garsoorka dalku yeesho laba heer oo kala madax-banaan oo kala ah heer Fedaraal iyo mid Dawladd Goballeed, taasi oo fududaysay in adeegga Garsoorka bulshada lagu gaarsiiyo Goballada dalka iyo deeggaanada hoos yimaada.
Intaa ka dib ardayda jaamadaha Muqdisho ayaa su’aalo toos ah waydiiyey Guddoomiyaha Maxkamadda Sare isagoo dhamaan uga jawaabay, islamarkaana ku bogaadiyey ardayda barashada aqoonta sharciga oo uu sheegay in dalku u baahan yahay aqoonyahano ku xeel dheer dhanka sharciga. Gabobadii Guddoomiyaha ayaa ku dhiiri galiyey ardayda in la joogteeyo kulamada noocan oo kale ah si loo kala faa’iido talooyin iyo aragtiyo waxwayn ku biiriya Hay’adaha Garsoorka dalk
