Muqdisho-(SONNA)-Ciidanka geesiyaasha Xoogga Dalka Soomaaliyeed ayaa maanta safaf u galay si ay uga qeyb qaataan gurmadka dadka shacabka ah ee xalay Argagixisadu ay ku dhibaateeyeen xeebta Liido dhiigna u shubaan.
Ciidanka xoogga dalka ayaa gacanna waxay kula dirirayaan cadawga arxanka daran, gacana bulshada ayay ku caawinayaan, waxayna maanta si hagar la’aan ah isugu xil-qaameen inay dhiigooda u shubaan Shacabka Soomaaliyeed ee argagixisadu ay dhibaatada u gaysateen
Hoggaanka Caafimaadka ee XDS, ayaa isku xilqaamay in laga qeyb-qaataan gurmadka dadka shacabka ah ee xalay dhibaatada ay gaarsiiyeen Argagixisadu.
Kooxda nafta la caariga ah ee khawaarijta ayaa xalay weerar bahalnimo ah ku qaaday dad shacab ah oo ku sugnaa xeebta Liido ee degmada Cabdicasiis.
