Kismaayo-(SONNA)-Guddoomiyaha Hay’adda Maareynta Musiibooyinka SoDMA mudane Maxamuud Macallin Cabdulle, ayaa deegaanka Buullo-Xaaji ee gobolka Jubbada hoose gargaar mucaawino ah ugu qeybiyay 900 oo qoys oo ku nool degaankaan kaas oo dhawaan khawaarijta laga saaray.
Guddoomiyaha Hay’adda SoDMA ayaa sheegay in magaalo kasta oo cadowga laga dulqaado ay gaarsiinayaan gargaar deg-deg ah, shacabkana looga bahaanyahay in ay iska dulqaadaan nabadiidka u diidan adeegyadii aas-aasiga u ah nolasha aadanaha, lana shaqeyaan ciidamada Xoogga dalka iyo kuwa Jubbaland.
