Ciidanka XDS gaar ahaan Ururka 291aad Guutada 29-aad ee daljir ayaa howlgal qorsheysan ka fuliyey deegaanno hoostaga degmada Buuloburde ee Gobolka Hiiran, halkaas oo la sheegay iney isku uruursanayeen xubno ka tirsan Khawaarijta.
Howlgalkaas oo hogaaminaayey abaanduulaha ururka291-aad Taliye Mahdi ayaa waxay ciidamadu tageen deegaanno ay kamid yihiin Beer yabal Ari leys,Lafoole iyo Cag bashiir oo dhamaantoda hoostaga Degmada Buuloburde.
Deegaannada Hirshabeelle ayaa waxaa muddooyinkii dambe ka socday howlgallo lagu doonayo in lagu wiiqo awoodda kooxda gabalkooda sii dhacaaya ee Al-shabaab, waxaana ciidanka xoogga ay qaadeen howlgallo dhowr ah oo intooda badan lagu dilay xubno ka tirsan Khawaarijta
