Muqdisho-(SONNA)-Taliyaha Ciidanka Dhulka Janaraal Dayax Cabdi Cabdulle oo gaaray magaalada Mesaggaway ee Gobalka Galgaduud ayaa halkaas kula hadlay cutubyo ka tirsan ciidanka Xoogga Dalka Soomaaliyeed gaar ahaan ururka 86aad ee Guutada 77 ee XDS.
Taliye Dayax ayaa ciidamada iyo saraakiisha hoggaaminaya ku ammaanay sida quruxda badan oo ay uga adkaadeen cadawga khawaarijta ah, tabaha dagaalka oo ay la yimideen iyo sida ay shacabka u garab istaageen.
Waxuu taliyaha Ciidanka Dhulka Dayax Cabdi Cabdulle uu faray saraakiisha ciidanka hoggaaminaya in ay u diyaar garoobaan baacsiga cadawga khawaarijta ah oo dhowaan uu sheegay in laga xureyn doono deegaanno iyo degmooyin muhiim ah.
