Muqdisho, (SONNA):- Guddiga arrimaha gudaha, amniga iyo maamulada gobolada ee Golaha Shacabka ayaa Maanta kulan ku yeeshay Xarunta Golaha iyo Guddiyada ee Golaha Shacabka Baarlamaanka Federaalka Soomaaliya .
Kulanaka ayaa waxaa shir Guddoomiyey Ku-simaha Guddoomiyaha ahana Guddoomiye ku-xigeenka Guddiga Xildhibaan Nuur Axmed Diiriye (Nuur Afey), waxaana ku wehliyey Xoghayaha Guddiga Xildhibaan Maxamed Ibrahim Cabdi (Diyeeshe).
Sidoo kale, Kulanka waxaa kasoo Qeyb galay Ku-simaha Wasiirka Wasaaradda Amniga gudaha XFS Mudane Maxamed Siciid Xagaa, Agaasimaha Hayโadda Socdaalka iyo Jinsiyadda Mudane Axmed Siciid Maxamed, iyo Agaasimaha Guud ee Wasaaradda Amniga Gudaha Madane Yuusuf Cali Maxamed.
Kulanka ayaa ahaa mid suโaalo lagu weydiinayay Agaasimaha Guud ee Hayโadda Socdaalka iyo Jinsiyadda si uu uga warbixiyo waxqabadka Hayโadda, waxaana la weydiiyay suโaalo la xiriira waajibaadkii loo igmaday.
Gudoomiye ku xigeenka Guddiga Xildhibaan Nuur Axmed Diiriye (Nuur Afey) oo soo xiray shirka ayaa ugu dambeyntii u mahadceliyey Ku simaha Wasiirka Amniga Gudaha, Agaasimaha Guud ee Wasaaradda Amniga Gudaha iyo Agaasimaha Guud ee Hayโadda Socdaalka iyo Jinsiyadda.
