Muqdisho(SONNA):-waxa maanta Alle ha u naxariistee aas qaran loogu sameeyey magaalada Muqdisho Abbaanduulihii Ururka 18aad Kumaandooska Gorgor ee Ciidanka Xoogga dalka oo shalay ku shahiiday dagaalka Khawaarijta lagula galay Koofurta gobolka Mudug.
Taliyaha Ciidanka xoogga Dalka Sarreeye Gaas Ibraahim Sh Muxiyadiin ayaa xusay in Shahiid Suulnuuge ahaa Sarkaal qiimo badan Dagaalka uu ku shahiiday na yahay mid xaqa oo uu ku difaacayey Diintiisa Dalkiisa iyo Dadkiisa.
Aaska ayaa waxa ka qayb galay Taliyaha Ciidanka Xoogga, Saraakiisha kala duwan ee Ciidamada, mas’uuliyiin iyo boqolaal dadweyne ah.
Alle ha u naxariistee Gaashaanle Cabdi Maxamed Sheekh Xasan (Suulnuuge) waxaana allaah ay uga baryeen boqolaalka aaskiisa ka qeyb galay inuu shahaadada u aqbalo.
