Jowhar (SONNA):- Xoogaga Macawisleyda ee deegaanka Cadcadey ee gobolka Shabeellada dhexe ayaa gacanta ku dhigay saddex ka mid ah maleeshiyaadka Khawaarijta, iyaga oo ku wareejiyay Ciidanka dowladda.
Taliyaha Macawiysleyda deegaanka Cilmi Cabdulle Cali oo warbaahinta dowladda uga warbixiyay dhacdadan ayaa yiri in Eedeysanayaasha ay qireen inay ku biireen Xeryaha Khawaarijta, iyaga oo tababar xagaa ku soo qaatay.
Ciidamada deegaanka (Macawisleyda) ayaa howlgalo lagu xaqiijinayo amniga ka wada miyiga gobolka Sh/dhexe, si ay uga sifeeyaan haraadiga maleeshiyaadka Khawaarijta.
