Muqdisho(SONNA):-Cabdirashiid Maxamed Cabdi oo Khawaarijta dhexdeeda looga yaqaanay “Indhacade” ayaa maanta isku soo dhiibay Ciidanka Xoogga, gaar ahaan Guutada 14-ka October ee ku sugan deegaanka Janaale ee Gobolka Shabeellaha Hoose.
Cabdirashiid oo ku dhashay Magaalada Baydhabo ayaa Argagixisada ugu biiray sida uu sheegay deegaanka Doolan-doole ee Gobolka Baay horraantii 2018, markii uu qaatay fikirka lagu khalday kadib ayuu qeybta jabhadaha ee Khawaarijta uga soo barbar dagaalamay gobolada Baay iyo Shabeellaha Hoose.
Nolol adag iyo dhibaatooyin kala duwan oo uu wajahay darteed ayaa ugu dambeyn ku kaliftay inuu Fikirka Khawaarijta ka laabto, isaga oo Bambooyin “F1” ku hubeysan oo uu la soo baxsaday waxaa deegaanka Janaale ku soo dhaweeyay Taliyaha Ururka 83-aad, guutada 14-ka October Gaa8shaanle Maxamed Nuur iyo saraakiisha guutada ee deegaankaas ku sugan.
Dhanka kale Aadan isaaq Aadan oo Magaciisa Afgarashadu yahay Zuber ayaa isku soo dhiibay Ciidanka Nabadsugida Ee kusugan degmada Xuddur ee gobolka Bakool.
Aadam ayaa Khawaarijta katirsanaa mudo 5 Sano ah waxaan uqaabilsanaa Waxaa ay ugu yeeraan Xisbada .
