Muqdisho-(SONNA)-Wasiirka wasaaradda Kalluumeysiga iyo Dhaqaalaha Buluugga ah ee Xukuumadda Federaalka Soomaaliya mudane Axmed Xasan Aadan, ayaa Xafiiskiisa kulan ku qaatay wafti uu hoggaaminayo Madaxa Howlgalka Midowga Yurub ee Tayeynta Soomaaliya ee EUCAP Somalia Mudane Kauko Aaltomaa.
Kullanka ayaa looga hadlay xoojin xariirka Wasaaradda iyo EUCAPSOM, daradargelinta shaqooyinka hortabintaleh ee ka turjumaya baahiyaha dalka ee dhinaca Kalluumeysiga, In la sameeyo xog wadaag si loola dagaallamo Kalluumeysiga Sharci darrada ah, iyo dajinta siyaado wax ku ool u ah kalluumeysiga.
Madaxda Howlgalka Midowga Yurub ee Tayeynta Soomaaliya ee EUCAPSomalia Mudane Kauko Aaltomaa ayaa wasiirka wasaaradda warbixin ka siiyey shaqooyinka muhiimka ah ee ka qeybteen tayeynta farsamooyinka la xiira Kalluumeysiga isaga oo sheegay in diyaar u yihiin ayna soo dhaweynayaan in ay wada shaqeyn toos ah la yeeshan wasaaradda.
Wasiir wasaaradda Mudane Axmed Xassan Aadanย ayaa sheegay in ay wasaaradda mudnaan gaar ah siineyso horumarinta Kalluumeysiga iyo ka faaโiideysiga Kheyraadka badda si dalkeennu u gaaro horumar iyo isku filnaansho dhaqaale oo waara sidaa darteed ay lagama maarmaan tahay in la joogteeyo mashaariicda horumarineed ee la xiriira dhinacyadaas.
