Heyโadda Sirdoonka iyo Nabad Sugidda Qaranka ee NISA ayaa gacanta ku soo dhigtay Sakariye Kamaal Suufi Abba-Sheekh (Saki) oo ahaa shaqsigii ugu muhiimsanaa ee cadowga Khawaarijta ah uga soo iibin jiray dibadda hubka iyo waxyaabaha qaraxyada laga sameeyo ee lagu gumaado shacabka Soomaaliyeed. Sakariye Kamaal oo ah 28-Jir Soomaali ah, waxaa in muddo ah dabagal ku heysay Hey’adda Sirdoonka iyo Nabad Sugidda Qaranka ee NISA, waxaana ugu dambeyn suurto-gal noqotay in ay Hey’addu gacanta ku soo dhigto xilli uu qorshaynayay in uu si dhuumaalaysi ah ugu sii gudbo goobaha ay ku dhuumaalaysanayaan kooxaha Khawaarijta ee gudaha Soomaaliya.
Sakariye waxa uu ahaa maskaxdii ugu weyneyd ee koox isku xiran oo dalka dibaddiisa ka soo iibiyay saanad ciidan oo loo waday Argagixisada, laguna soo dhex-qariyay shixnado ganacsi, kuwaasi oo bishii May ee sanadkan ay ciidanka Hey’adda NISA ku qabteen dekadda iyo garoonka diyaaradaha ee Muqdisho, waxaana ninkan dhawaan loo gudbin doonaa Hey’adaha Garsoorka, si loogu qaado dembigiisa. Heyโadda Sirdoonka iyo Nabad Sugidda Qaranka ee NISA waxaa ka goโan in ay gudaha iyo dibaddaba ku beegsato cid walba oo gacan saar muuqda iyo mid qarsoonba la leh argagixisada, kuna garab siineysa dhibaataynta iyo gumaadka Shacabka Soomaaliyeed.
Sakariye waa kuma?
Magaciisu waa Sakariye Kamaal Suufi oo ku magacdheer Aba sheikh Saki, ย Sakariye Kamaal oo ah 28-Jir Soomaali ah ,Waxa uu ku dhashay dalka Kenya, waxa uuse ku barbaaray, waxna ku bartay dalka Shiinaha, isagoo si gaar ah u bartay Injineernimada iyo Ganacsiga ayaa ka mida waxyaabaha uu shiinaha ka soo bartay. Sannadkii 2020-kii ayaa uu Nayroobi ku soo laabtay isaga oo halkaasi ka hirgeliyay shirkadda Zaks Enterprises oo ka shaqeysa dhoofinta iyo soo dejinta badeecadaha kala duwan, wuxuuna ku xiray dalka Shiinaha. Shirkaddu waxay inta badan ka shaqaynaysay Kenya iyo Shiinaha.
Billowga sannadkan qandaraas ay bixisay Wasaaradda Gaadiidka iyo Kaabayaasha Dhaqaalaha ee Kenya ayay ku guulaysatay shirkadda Zaks ee uu Sakariye hirgeliyay. $13M ayaa ku baxayay qandaraaskaasi. AE-MOTI-281723-GO-RFP waa nambarka qandaraaska ay Wasaaraddu siisay. Waxyaabihii la soo gaadayay waxaa ka mid ahaa diyaaradaha Drones-ka ee aan duuliyaha lahayn iyo agabyo kale, ida ay Dowladda Maraykanku hadda ka hor sheegtay, sababta diyaaradaha Droneska loo soo iibinayo ayaa Wasaaradda ku sheegtay in loo adeegsanayo ilaalinta iyo la socodka beeraha, caafimaadka, deegaanka iyo amniga.
Sakariye kolka uu agabkii keenay waxa uu qeyb ka mid ah u sii gudbiyay Al-shabaab. Billowga bishii Marso ayaa Al-shabaab weerartay Dhismaha buundada Kwa Omollo ee Lamu, waxayna ku dishay Afar kiinyaan ah iyo hal Shiineys ah, iyadoo weerarkaasi waxaa lagu geystay ay ahaayeen diyaaradaha aan duuliyaha laheyn. Dhammaadkii April waxay Heyโadaha ammaanka ee Kiinya soo qabteen Sakariye oo ay ku eedeeyeen la shaqaynta Al-Shabaab. Waxayna la xiriiriyeen weerarkii dhismaha buundada ee Drone-ta lagu geystay. Waxaa taleefankiisa laga helay xogo badan.
Xogahaasi waxaa ka mid ahaa in seddex kunteenar oo saanad ciidan ah uu ka soo iibiyay dalka Shiinaha, islamarkaana uu ku soo dhex qariyay shixnad ganacsi oo Muqdisho u socotay. Markiiba Heyโadaha ammaanka ee Kiinya waxay la xiriireen dowladda Shiinaha, iyaga oo wax ka weydiiyay seddexda kunteenar. Shiinaha way xaqiijisay iibsashadooda. Kiinya waxay mar kale la xiriirtay Soomaaliya. Heydda NISA ayaa baaritaan u gashay Kunteenaradii ka soo degay Dekedda Muqdisho oo aan weli ka bixin, waxayna qabteen labo ka mida, iyaga oo warbaahinta la wadaagay dhammaadkii bishii May.
Waxyaabihii ku jiray seddexda kunteenar waxaa ka mid ahaa; JS Crop Drones, boqolaal litir oo dareeraha laga sameeyo qaraxyada, diiradaha qoriga ee sahla bartilmaamedka, dharka tuutaha ciidanka, teendhooyin, qalabka aragtida habeenkii loo isticmaalo, sida gaari aan nal u daarnayn inuu dhulka siduu doono iyo masaafada uu doono uu ku socdo, iyadoo qalabkaa habeen-aragga loo isticmaalayo kaxeyntiisa, taasoo ka caawinaysa weerarada ay ku guureeyaan xilliyada mugdiga, jaakadaha qaraxyada, bustayaasha habeenkii khal-khaliya diyaaradah wax duqeeya, qalabka ciidamadu u isticmaalaan dabaasha fog, agabka wax lagu basaaso, sida qalimaanta leh cod-duubista ama muuqaal duubista, koofiyado adag IWM, waxaana la hubaa in Heyโadaha ammaanka ee Kenya ay shakigoodii sii weynaaday kolka ay Dowladaha Shiinaha iyo Soomaaliya xogaha kunteenarada ka soo xaqiijiyeen, waxayna Sakariye horgeeyeen Maxkamadda iyo Garsoore Yusuf Aballah Shikanda, waxa uuna Garsooraha dalbaday in la sii baaro kiiska iyada oo la ballamay 20-ka bishii September, waase ka soo fakaday, si kastaba ha ahaatee, balse Dowladda Soomaaliya ayaa ku guuleystay mar kale inay gacanta ku dhigto SAKARIYE!.
Dhinaca kale Abuukar Cali Aadan waa ku xigeenka hogaamiyaha kooxda Argagixisada al-Shabaab, wuxuu dhowr sano ahaa taliyaha Maleeyshiyada al-Shabaab, wuxuuna sidoo kale horay u soo hoggaamiyey garabka hubeysan ee loo yaqaan Jabhadda ee Al-Shabaab. Bishiii Janaayo ee sanadkii 2018-kii, Wasaarada Arrimaha Dibadda ee Maraykanka ayaa u aqoonsatay Abuukar Cali Aadan shaqsi si gaar ah loogu asteeyay inuu yahay Argagixiso caalami ah, iyadoo la tix raacayo amarka fulinta ee nambarkeedu yahay E.O 13224, kaas oo ku soo rogaya cuna qabateeyn adag dadka ajaaniibta ah ee geysta ama halista ku ah in ay ku kacaan ficilo Argagixisnimo, taasi oo halis ku ah amniga muwaadiniinta Maraykanaka, aminiga Qaranka, arrimaha siyaasadda dibadda, ama dhaqaalaha wadanka Maraykanka, sidoo kale waxaa uu ku jiraa liiska cunaqabataynta Qaramada Midoobay ee nambarkiisu yahay 1844 (2008) inuu ku lug leeyahay ama siiyo taakulo lidi ku ah nabada, amniga ama daganaanshaha Soomaaliya iyo Ciidamada Nabad Ilaalinta. Intaas waxaa dheer, Aadan waxaa uu xariir la leeyahay ururada al-Qaacida ee ka hawlgala Jasiiradda Carabta iyo Maqribul Islaami, waxaana Madaxiisa la saaray $5 Million.
