Muqdisho(SONNA):-Agaasimaha Guud ee Wasaaradda Warfaafinta Dhaqanka iyo Dakxiiska Soomaaliya mudane Cabdullaahi Xayir Ducaale ayaa sheegay in wasaaradda warfaafinta ay qeyb weyn ka qaadaneyso dagaalka lagu jiro khawaarijta.isagoo shaqaalaha kula dar-daaramay in ay sii xoojiyaan howsha ay u hayaan Qaranka oo ay ka mid tahy dagaalka lagula jiro khawaarijta
Agaasimaha Guud ee wasaaradda warfaafinta ayaa hadalkaan ka sheegay shir maanta la isugu yeeray guud ahaan shaqaalaha wasaaradda warfaafinta Dhaqanka iyo Dalxiiska Soomaaliya,halkaa oo uu agaasimaha ugu sheegay sida ay muhiimka u tahay in khawaarijta lagula dagaalamo dhinaca warabaahinta iyo Sugaanta oo looga baahanyahy Hobollada Waabari nuuc kasta oo sugaan ah in ay khawaarijta kula dagaalamaan.
“qof kasta oo ka tirsan Wasaaradda Warfaafinta waa in uuย ka qeyb qaadato dagaalka iyo farrimaha lagula dagaallamayo Khawaarijta “ayuu yiri Agaasime Cabdullahi Xayir Ducaale
Sidoo kale agaasmiha ayaa faray in qof kasta oo ka shaqeeyo Wasaaradda Warfaafinta in looga baahan yahay in si maalin laโah bartiis uu ugu qoro erayo lidi ku ah khawaarijta oo ay kamid tahay lacagaha baada ah,iyo sida ay uga been sheegaan ย khawaarijtu Diinta Islaamka iyadoo aanan wax been ah lagu dareen.
Waxaa uu tilmaamay sidoo kale Agaasimaha Guud ee warfaafinta ย in waax walbaย agaasimaheeda iyo shaqaalahaba lagula xisaabtami doono in maalin walba qof walba laga fiirin doono in Bartiisa Fecbooka uu ku qoray erayo kooban oo Bulshada loogu sheegayo ficilada guracan ee kooxda khawaarijta ah.
Agaasimaha Wakaaladda Waranka Qaranka Soomaaliyeed (SONNA) Ismaciil Mukhtaar Cumar (Oronjo), ayaa oo kamid ahaa masโuuliyiinta goobta ka hadashayย ayaa sheegay in shaqaalaha iyo guud ahaan maamulka wasaaradu ay diyaar u yihiin Dagaalka ka dhanka ah khawaarijta
“Dhammaanteen waxaan diyaar u nahay Jihaadka ka dhanka ah Khawaarijta ee dalka ka socda”sidaa waxa yiri Agaasimaha Wakaaladda SONNA
Dowladda soomaaliya oo kaashanaysa dadka deegaanka ayaa wada dagaal ka dhan ah khawaaijta iyadoo ay xusid mudan tahy in madaxweynaha JFS mudane Xasan Sheekh Maxamuud mudda ku sugan yahay magaalada Dhuusamareeb si uu u dar-dargaliyo howlgallada guud ahaan dalka looga xoreynayo khawaarijta.
