Madaxa ciidamada calooshood u shaqeystayaasha Ruushka ee Wagner Yevgeny Prigozhin iyo sagaal kale oo rakaab ah ayaa la sheegay inay dhinteen, kadib markii diyaarad khaas ah oo ay la socdeen ay ku burburtay waqooyiga Moscow.
Mas’uuliyiinta ayaa baaraya sababta shilkaasi,iyadoo laba bilood kahor ay ciidamada uu hoggaamiyo Prigozh ay sameeyeen gadood,isla markaana ay qaadeen dagaal socday muddo gaaban oo ka dhan ah hoggaanka militariga Ruushka.
Kaaliyaha madaxweynaha Ukraine Mykhailo Podolyak ayaa sheegay in shilka diyaaradeed uu ahaa calaamad iyo digniin ka timid Putin oo ku socota madaxda Ruushka ka hor doorashooyinka 2024.
Illaa hadda ma cadda waxa sababay shilkaasi diyaaradeed iyo cidda ka dambeysa,hasa yeeshe waxaa walaac laga muujinayaa ama ay su’aalo ka imaan karaan mustaqbalka waxa ay ku dambeyn karaan kumanaanka dagaalyahanada Wagner ee la geeyay Afrika, Belarus iyo meelo kale.
