Muqdisho(SONNA):-Yaa u cadow ah kooxda Khawaariijta
Kooxda khawaariijta ayaa cadow u aragta cid kasta oo damiir islaamnimo leh sida looga bartay kooxdan ayaa u abaabulan dhibaataynta iyo laynta shacabka Soomaaliyeed waxa kale oo intaas u dheer dhaca hantida,askaraynta caruurta iyo afduubka shacabka Soomaaliyeed.
Kooxda khawaariijta ayaa caadaysatay duminta goobaha cibaadada sidoo kale waxay caan ku yihiin in ay dumiyaan goobaha waxbarashadda diiniga ah,intaas oo keliya kuma eka ee kooxdan waxay dagaal ba’an kula jirtaa dadka cilmiga leh.
Khawaariijta ayaa sidoo kale cadow u aragta goobaha adeegyada bulshada sida goobaha caafimaadka,goobaha dugsiyadda waxbarshadda sidoo kale khawaariijta ayaa deegaanada ay xukumaan ka masaafuriya macalimiinta iyo odayaal dhaqameedka u hoggaansami waaya ficilladooda gurracan.
Kooxdan ayaa dilay toddobanaan shacab Soomaaliyeed ah xiliyo ay ku guddo jireen gudashada waajibaadka diiniga ah,khawaariijtu waxay caado ka dhigteen in ay shacabka Soomaaliyeed ku dileen masaajida iyo xiliyadda salaadaha tan oo muujinaysa in kooxdani cadow u aragto diinta iyo goobaha cibaadada.
Khawaariijta ayaa weerartay xiliyo kala duwan goobo masaajido ah iyadoo salaad lagu jiro,tusaale ahaan deegaanka Baxdo ayey kooxda khawaariijta soo weerartay salaadii subax xili shacab ku tukanayeen.
Dhinac kasta marka laga eego waxa soo baxaysa in khawaariijtu cadow u aragto cid kasta iyo ashiyaa kasta oo leh raad islaamnimo iyo mid akhalaaqeed ba.
