Muqdisho(SONNA):-Taliyaha ciidanka Booliiska Soomaaliyeed S/Guuto Sulub Axmad Firin iyo wafdi saaraakiil sare ah oo uu hoggaaminayo ayaa si heerkeedu sarreeyo loogu soo dhaweeyey garoonka diyaaradaha magaalada Kismaayo oo ah caasimadda ku meelgaarka ah ee dowlad goboleedka Jubbaland.
Taliyaha ayaa safarkiisu qaadan doonaa muddo seddax cisho ah,asagoo u kuur gali doona xaaladda ciidanka Booliiska ee Jubbaland iyo amniga guud.
Sidoo kale taliyaha ayaa xoojin doona ciidanka u diyaarsan la dagaalanka Khawaarijta ee wajigiisa 2-aad ee uu madaxweynaha Jamhuuriyaddu hore ugu dhawaaqay in dhowaan la bilaabi doono.
