Baydhabo(SONNA):-Madaxweynaha jamuuriyadda federaalka Soomaaliya Mudane Xasan Sheekh Maxamuud ayaa soo xiray shirka dib u heshiisiinta koonfur Galbeed Soomaaliya, isagoo daddaal dheeri ah ku bixiyey ka miro dhalinta shirkan oo uu tiro laba jeer safar ku tegay magaaladda Baydhabo.
Madaxweyne Xasan ayaa u mahadceliyay shacabka Koonfur Galbeed dadaalka ay ka qateen in uu guullaysto shirka dib u heshiisiinta ee lagu soo gaba qabeeyay Magaalada Baydhabo ee Xarunta KMG koonfur-Galbeed.
Madaxweynaha Jamhuuriyadda ayaa tilmamay in dhanka dowladda ay mar walba diyaar u tahay qabashada shirarka kan la midka ah si nabad waara loo helo, isagoona sheegay in dowladdu ay qaadaneyso kaalinteeda kaga aadan dhaqangalka waxyaabihii lagu heshiiyay ee shirka ka soo baxay, muhiimna ay tahay in laga wada shaqeeyo xasiloonida guud ee Dalka.
Shirka Dib U-Heshiisinta Koonfur Galbeed ayaa Janaayo 2023 waxaa magaaladda Baydhabo ka furay Madaxweynaha Jamhuuriyadda, iyadoo ay ka soo qeyb galeen Gudoomiyaha golaha Shacabka, Madaxweynaha Koon Galbeed, siyaasiyiinta ku midoobey dalladaha Midowga Musharixiinta, Madasha Samata-bixinta KGS, mas’uuliyiin kala duwan ee labada heer ee Federaalka, Odayaasha dhaqanka iyo Bulshada Rayidka ah.
