Wasiirka Wasaaradda Qorsheynta Maalgashiga iyo Horumarinta Dhaqaalaha XFS, Mudane Maxamuud Cabdiraxmaan (Beenebeene) ayaa maanta warbixin ka dhageystay hoggaanka iyo farsama-yaqaannada Mashaariicda SCRP iyo Biyoole. Hoggaanka labada dhinac ayaa Wasiirka waxay la wadaageen hannaanka ay u socdaan Mashaariicdu, howlaha horu-tebinta leh ee horyaalla sannadkan cusub ee 2023, sida, Fatahaada, dib uga soo kabashada abaaraha iyo horumarinta adeegyada Bulshada.
Sidoo kake waxaa goob-joog ka ahaa kullanka, Wasiir Ku Xigeenka Wasaaradda, mudane Maxamed Cabdiqaadir Cali iyo Ku Simaha Agaasimaha Guud ahna Agaasimaha Kormeerka, Qiimeynta iyo Xalka waara Marwo Zahra Cabdi Maxamed ee Wasaaradda iyo Hoggaanka labada dhinac ee mashaariicda Biyoole iyo SCRP, waxay la wadaageen horumarka mashariicda iyo qorshaha 2023. Waxay kalo ka wada hadleen habka ugu wanaagsan ee loo dar-dargalin karo iyo wadiiqooyinka ay tahay in ay maraan mashaariicda.
Ugu dambeyn, Wasiir Beenebeene ayaa kula dardaarmay hoggaanka labada dhinac in ay dardargeliyaan qorshayaasha degsan ee laga sugayo in ay degdeg uga fuliyaan dhammaan maamul goboleedyada dalka.
